Showing posts with label tag. Show all posts
Showing posts with label tag. Show all posts

Wednesday, August 29, 2007

အမှတ်တရဆောင်းရာသီ


Title လေးဒီလိုပေးလိုက်ပါတယ်..
နွေ၊ မိုး ၊ ဆောင်း သုံးရာသီ တွင် ဆဂိ အနှစ်သက်ဆုံး ရာသီသည် ဆောင်းရာသီဖြစ်ပါသည်။
ငယ်ငယ်က ဆောင်း အကြောင်းပြောရမယ်ဆိုရင်တော့ဖြင့်...
မနက်အိပ်ယာထလျှင် စောင်(ဂွမ်းကပ်ဟုခေါ်ကြသည်)ထဲကမထွက်ချင်ပါ။ စောင်ခေါင်းမြီးခြုံမအိပ်တတ်ပါသဖြင့် ပါးကလေးများ အမြဲလိုလိုအေးနေတတ်၏။
အိပ်ယာထဲမှ မထချင်ပေမယ့် ကျောင်းတက်ရမည့် တာဝန် ကရှိနေပါသောကြောင့် ထခဲ့ရပါသည်။
ခပ်ချောချော ပုတက်တက် ကောင်မလေး ယူဆဂိ သည် အနွေးထည်တွေအထပ်ထပ်ဝတ်ထားသည့် အတွက် ၀တုတ်တုတ်လေးလို့ထင်ရလောက်သပေါ့-
မနက်စောစော ကျောင်းသွားတော့မည်ဆိုပါလျှင် ည၀တ်အိပ်ထားတဲ့ည၀တ်အကျီကို လဲရမှာ အန်မတင်ကြောက်ခဲ့ရပါသည်။ ချမ်းတာကိုး..အရမ်းချမ်းတာ။
သိုးမွေး ဆွယ်တာ ၊ သကလပ်အကျီ(သို့တည်းမဟုတ်) သားမွေးအကျီ အထပ်ထပ်ဝတ်ထားသော ကျောင်းသူလေးသည် ကျောင်းဝတ်စုံအဖြူပင်မမြင်ရပေတကား.
(တခါတလေ တကယ် ကျောင်းဖြူမ၀တ်သွားဘူး.. ချမ်းလို့...ရှုးတိုးတိုး ဆရာမကိုမတိုင်နဲ့နော်.)
လက်အိတ်၊ ခြေအိတ်၊ သိုးမွေးဦးထုပ် စသည့် ချပ်ဝတ်တန်ဆာများဝတ်ဆင်ပြီးသကာလ ကျောင်းတက်ခဲ့ရသည့်ဘ၀လေးကို သတိရမိပါသည်။
ကျောင်းရောက်လျှင် လက်အိပ်နှင့်စာရေးရသည်မှာ အဆင်မချောပါသောကြောင့် မချွတ်ချင်ပေမယ့် ချွတ်ရပါသည်။
စာမရေးမီ လက်နှစ်ဖက်ကို ပူလာအောင် ပွတ်ရပါသည်။ သူငယ်ချင်းအချင်းချင်း လက်အေးကြီးနှင့်လိုက်ကပ်ခဲ့ကြသည်။
လက်တွေထုံခဲနေပါသဖြင့် အလွန်လှပသောလက်ရေးများ သည် မနက်စောစောပိုင်းအချိန်များတွင် ပဲပင်ပေါက်လမ်းကြိတ်စက်တက်နင်းခံထားရသကဲ့သို့ တွန့်လိမ်ကောက်ကွေးနှေးကွေးရပါသည်...
၉ နာရီ ၁၀ နာရီလောက်တွင်ဖြင့် နေရောင်အရှိန်ဖြင့် ပူနွေးခြင်းစတင်လာပါသည်။ ထိုအချိန်တွင် ၀တ်ထားသောအနွေးထည် အချို့ ချွတ်၍ရပါပြီ။
ဆောင်းတွင်းအခါသမယတွင် တိမ်ကင်းစင်ပြီး ပြာလွင်နေတတ်သော ကောင်းကင်ကြီးကို ခဏခဏမော့ကြည့်ရခြင်းအားအလွန်နှစ်သက်ပါသည်...
မနက်ခင်းစောစော နှင့် ညနေစောင်းတွင် ဖိုထားလေ့ရှိသော မီးလင်းဖို လေးကိုလည်းအမှတ်ရမိသည်။
မိသားစု မီးလင်းဖို လေးတွင်စုထိုင်ကာ လက်တစ်စုံ စီသည်မီးဖို ဆီသို့ တိုးဝှေ့ ကာ အနွေးဓါတ်ကို ယူခဲ့ကြဖူးသည်။ ဒါကို မီးလှုံ တယ်လို့ခေါ်ပါသည်။
ကော်ဖီဆိုတာကို ထိုအချိန်ကတည်းက မီးလင်းဖိုဘေးတွင် သောက်တတ်ခဲ့ရင်း စွဲသွားခဲ့သည်ထင်ပါသည်။
ငယ်ငယ်က စားခဲ့ရသော ပေါက်ဆီကြော်ကို မဆီမဆိုင်သတိရမိသဖြင့် အမှတ်တရ ထည့်ရေးလိုက်မိသည်။

ယူဆဂိ အား သတိတရ တက် ကြသည့် ကိုအဉ္ဇလီ နဲ့ စိုင်းစိုင်း အားကျေးဇူးတင်စွာဖြင့်-

တဆက်တည်း..
သူတို့သည် တစ်မြို့တည်းသားတွေဖြစ်ပါသဖြင့် တက် လိုက်ရပါသည်-
၁. အောင်ချမ်းလင်း
၂. သားဖြူ


Saturday, August 18, 2007

Favorite 5 Old Posts

ပြန်လည်စစ်ဆေးပြီး အကြိုက်ဆုံး(၅)ခု

naing နဲ့ tzm တက်ထားလို့သာရေးရတာပါ..တကယ်တော့ သူများလိုလည်း own tune စာတွေ ကဗျာတွေရေးထားတာမရှိလေတော့..ခက်သား။ ဒါနဲ့ အတင်းရှာလိုက်တာမှာ.. တင်ထားသမျှထဲမှာ ကြိုက်တဲ့ပိုစ်တွေကအများကြီးကိုထွက်လာတာ..စစ်ထုတ်လိုက်တော့
အားလုံးပေါင်း ၁၂ ခုလောက်ထွက်လာတယ်လေ။ ဒါတောင် လျှော့ထားတာ.
အင်း..၁၂ ခုထဲက ၅ ခု ထပ်စစ်ထုတ်ရမယ်ဆိုတော့.. ချန်ထားခဲ့ရမဲ့ခေါင်းစဉ်လေးတွေကိုအားနာပေမယ့်..ဒီခေါင်းစဉ်လေးတွေရွေးထုတ်လိုက်ရပါတယ်
..ခံစားချက်ချင်းမတိုက်ဆိုင်ရင်ခွင့်လွှတ်ပါ..

၁. ဘ၀တိုက်ပွဲ
Friday, May 25, 2007
၂.အထီး ကျန် ရင် အ ကျည်း တန် တယ်
Monday, May 21, 2007
၃.အသေကြီး နဲ့ အသေလေး
Monday, May 14, 2007
၎.မသေခင်ဖြည့်ဆည်းရမည့်ဘ၀အရည်အသွေးများ
Monday, May 14, 2007
၅.LOVE
Wednesday, August 08, 2007

မှတ်ချက်။ ။ ဒီခေါင်းစဉ်လေးတွေအပြင် ပိုစ့်တွေထဲက အခြားကြိုက်တဲ့ပိုစ့်ခေါင်းစဉ်လေးတွေရှိခဲ့ရင် comment ထဲမှာရေးပေးသွားပါလို့ ပြောပါရစေ။ သိချင်လို့ပါ။ လိုအပ်ချက်တွေရှိရင် နောင်များပြင်ဆင်နိုင်အောင်ပါ။
I need your prompt comments for me.


ဆက်လက်ပြီးဘယ်သူ့ကိုတက်ရင်ကောင်းမလဲစဉ်းစားလိုက်တဲ့အခါ..
ကဲမမတို့ရေ..ရေးလိုက်ကြပါအုံးနော်.

Wednesday, June 20, 2007

မိုးအကြောင်း

ပုဂံသားတက်ပြီး--မိုးအကြောင်းရေးပါဆိုလို့ရေးလိုက်တာ..အရေးအသားမကောင်းရင်သည်းခံပြီးဖတ်ပေးပါရှင်။မြန်မာနိုင်ငံမှာ မိုးရေချိန် များတဲ့ မြို့ တစ်ခုမှာ မိုးတွင်အခါသမယတွင်မွေးဖွားခဲ့ပါသည်။မိုးတွင်းဆိုရင်.. ရွာလိုက်တဲ့မိုး.. တနေ ကုန်. လုံးဝမတိတ်ဘူး။ ကျောင်းမှာဆိုလည်း တစ်ဆောင်နဲ့တစ်ဆောင်တောင် မကူးချင်ဘူး။
မိဘတွေ ခရီးထွက်တဲ့အချိန်ဆိုရင်ကျောင်းကို မိုးရေတွေထဲမှာလမ်းလျှောက်သွားရတယ်လေ။ နယ်မြို့ဆိုတော့ ကျောင်းနဲ့က သိပ်မဝေးလှပါဘူး။ စီးရတဲ့ဖိနပ်ကလည်း သိကြလားတော့မသိဘူး ဘွတ်ခြေနင်း လို့ခေါ်တယ်။ ဒါပေမယ့် လှလှလေးဝယ်ပေးကြရှာပါတယ်-မှတ်မှတ်ရရ ပန်းရောင်ဘွတ်ခြေနင်းလေးကို အကြိုက်ဆုံးဘဲ။ ၁၀တန်းလောက်ထိ သိမ်းထားတုန်း။ နောက်တော့ အမေ ကရှုပ်လို့ဆိုပီး သူများကိုပေးပစ် လိုက်တယ်(အကောင်းလေးအတိုင်းပါဘဲ)။ အဲ..ဆက်ပြောရရင်..ဖတ်စာအုပ်မေ့ခဲ့ရင် ရိုက်တတ်တဲ့ ဆရာမ တွေကိုကြောက်တော့ ဘာသာစုံ စာအုပ်တွေကို လွယ်အိတ်နဲ့အပြည့်ထည့်ရတယ်လေ။ အချိန်စာရင်းအတိုင်း ထဲ့ရတယ်ဆိုပေမယ့် လည်း ကြုံဖူးကြမှာပါ.. အစားဝင်သင်တာတို့ ဘာတို့ကလည်းရှိတတ်တော့ မထူးဘူး ဆိုပြီးအကုန်ထည့်တာ။ လွယ်အိတ်နဲ့မဆန့်လို့ လက်ကပိုက်ရင်ပိုက်၊ မပိုက်ရင် ဆွဲခြင်းတောင်းထဲထည့်။ စာအုပ်တွေရေစိုမှာကကြောက်ရ။ထမင်းဘူးထည့်ထားတဲ့ ခြင်းတောင်းကတစ်ဖက်။ရှုတ်ရှက်ကိုခတ်နေတာဘဲ။ ရှိသေးတယ်.. မိုးကာရှည် ကလည်းဝတ်ပေးလိုက်သေးတယ်လေ။ ၀ယ်ပေးထားတဲ့ ထီးကလည်းလှတော့ ကိုင်သွားချင်လိုက်သေးတာ။ဒီတော့ တနေ့တနေ့ကျောင်းသွားရင် လက်နှစ်ဖက်လုံးလည်းမအားဘူး။ လေးလံလှ တဲ့ကျောပိုးအိတ်ကြီးကလည်းလွယ်ထားရတယ်။ဆဂိ လမ်းများလျှောက်သွားရင် ကွန်ပါဘူး ရဲ့အသံကလည်း စည်းချက်ညီညီ ဘဲ.. ဂွက် ဂွက် ဂွက် နဲ့ လိုက်လာတာ။ကျောင်းရောက်တာနဲ့ ခြင်းတောင်းကို ထားရမယ့် စင်မှာတင်၊ မိုးကာကိုချွတ်၊ ဖိနပ် ကိုကျောင်းမှာထားတဲ့ ဖိနပ်နဲ့လဲစီး(ဘွတ်ဖိနပ် နဲ့ ကျောင်းဝတ်စုံ နဲ့ မလိုက်ဖက်လွန်းလို့လေ)၊ လွယ်အိတ်ထဲက ဖတ်စာအုပ်တွေကို စာရေးစားပွဲအောက်ကို ထည့်။ ဒါဆို လွယ်အိတ်ထဲမှာ နုတ် စာအုပ်ဘဲကျန်တော့ပေါ့သွားတာပေါ့။ ကွန်ပါဘူး ကိုထုတ် စားပွဲထောင့်မှာတင် ပြီး စာသင်ဖို့အသင့်ပေါ့လေ။ မိုးတွေများသည်းသည်းမဲမဲ ရွာရင် ဆရာမခမျာ အာကုန်ချစ်အော်ရရှာတယ်.. မိုးသံနဲ့မကြားရလို့လေ။ မုန့်စားဆင်းရင် မုန့်ဈေးတန်းကို သွားလေ့သိပ်မရှိဘူး။ မိုးစိုမှာစိုးလို့။ အိမ်ကထည့် ပေးလိုက် တာတွေဘဲစားတယ်။ ထမင်းစားဆင်းလည်း အခန်းထဲမှာဘဲ။ အဲ.. ညနေ ကျောင်းဆင်းလို့ကတော့ မနက်ပုံစံအတိုင်းလေးဖြစ်အောင် ပြင်ဆင်ပြီး ကျောင်းဆင်းခေါင်းလောင်း ထိုးသံကိုစောင့်ရတာပေါ့။
ဒါကြောင့် မိုးဆိုလုံးဝမနှစ်သက်ခဲ့ပါ။ ခုလည်းမနှစ်သက်ပါ။ သူများတွေလို မိုးရေထဲထွက်လည်းမဆော့ခဲ့ဘူးပါ။ ရန်ကုန်မိုးကိုတော့ နည်းနည်းသဘောကျသည်.. ရွာလျှင် အသဲအသန်ရွာချပြီး တိတ်သွားတတ်လို့ပါ။ မိုးတွေရွာရင် မိုးထဲမှာအလုပ်လုပ်နေရသူတွေ အတွက်ထိုင်သနားနေတတ်ပါသည်။ ထီးပါမလာသည့်သူများ ဆိုလျှင် စိုရွှဲနေပါမည်။ မိုးရေထဲတွင် ထီးချင်းတိုက်မိနေသည့်မြင်ကွင်းများ၊ မိုးလုံရာသို့ပြေးလွှားရသည့် မြင်ကွင်း များ သည်ြကည်နူးဖွယ်ကောင်းသည့်မြင်ကွင်းမဟုတ်သည်မှာအမှန်ပင်။
(ကျေနပ်နိုင်ကြပါစေ။)

အားကျမခံထပ် tag လိုက်ပါသည်......
၁။ အိမ်လေးတစ်အိမ်
၂။ မိုးကုတ်မီဒီယာ
၃။ ဆရာမမေငြိမ်း
၎။ အောင်ချမ်းလင်း(မိုးကုတ်သား)
၅။ စိုင်းစိုင်း(လားရှိုး)

ကျန်သေးသည့် မိတ်ဆွေများကိုလည်းတက်ချင်ပါတယ်။ တော်လောက်ပါပြီနော် ၅ ယောက်ဆို။်